Transcription
1
Monsieur, je neusse tant demeuré à vous escripre, neust esté que jactendays
2
dheure en aultre men aller à La Coste Sainct André pour faire faire notre monstre
3
pour, de là en hors, vous aller baizer les mains et resepvoir voz cmendements ;
4ce que je me delibère faire encores que nous ne soyons prestz à la faire [barré : messieur ]
5
comme jay veu par la lettre quil vous a pleu mescripre suyvant le rapport
6
que vous en a faict notre trezaurier, comme aussy me mendés en avoir
7
receu dautres, aveques de grandz plainctes daulcuns de la compaignie de
8
monseigneur le prince, desquelz je nay aulcunement entendu que par votre
9
lettre ; et sil vous plaict me fère tant de bien et faveur de me mender
10
le lieu et ceulx qui ont commis les faultes, puys que vous ny voulés
11
toucher, encores que vous tenés lieu où vous avés toute puyssance ;
12
jen ferè faire telle justice et pugnition que les complegnans
13
auront rayson de sen contenter. Monsieur de Dières a veu la fasson
14
de quoy je les faiz vivre despuis que je suys arrivé, lequel
15
je appelleray toujours à tesmoing, estant aussi grand ennemy de
16
ceulx qui font mal que gentilhomme scauroit estre ; et massure
17
que je les empecheray bien de le fère tant que je seray aveque
18
eulx, vous remercyant bien humblement de ce quil vous plaict
19
men advertyr, comme plus amplement jay chargé ses deulx
20
gentilz hommes, presentz pourteurs qui sont de la compaignie de mondit
21
seigneur le prince, vous dyre de ma part, ausquelz jay donné congé
22
en actendent que nostre mostre se face pour sen aller en Languedoc
23
où ilz ont des affaires ; et ce pendant, vous croirés, sil vous plaict,
24
que je vous feray service toute ma vye daussi bonne voulanté
25
que je presente à votre bonne grace mes plus humbles recomendations,
26
priant le Créateur vous donner,
27
monsieur, en parfaicte saincté très heureuze et longue vye.
28
De Cremyeulx, ce VIIme febvrier 1574.
29
Votre plus ensien souldat affectionné
30
à vous fère servysse
31
delarochejoubert